صحبت منوروف

اوزبیکستان حقیده

نوروزبیره می

اهداف حزب حزب جنبش نوین افغانستان

انسانلر تاریخ نینگ تورلی دورلریده خیلمه-خیل الفبا و یازوو شکللرینی اختراع قیلیب، اولر یاردمیده اوز خاطره و کیچینمه لری، شونینگدیک، بو‌لیب اوتگن حادثه لر حقیده معلومات یازیب قالدیرگنلر. مذکور یازوولر قاغاز ایشلب چیقریلمسدن آلدین، تاشلر، یغاچلر، فلزلر، حیوانلر تیریسی و باشقه نرسه لرگه یازیلر ایدی.

قاغاز اختراع قیلینگندن سونگ هم نامه لر، هرخیل کتّه-کیچیک کتابلر قولده یازیلیب، فقط چیرایلی خط یازیش مهارتیگه ایگه بو‌لگن خطّاطلر تمانیدن اولردن نسخه لر کوچیریلر ایدی. بو ایش ایسه جوده مشقّتلی بو‌لیب، خطّاطدن کوپ وقت صرفلش، دقّتلی بولیش و آغیر محنتنی اوزیگه قبول ایتییشنی طلب قیلردی. شو سببلی بولسه کیره ک، آز نسخه کوچیریلگن بیر قطار اثرلر زمان حادثه لری طفیلی یوقالیب، بیزنینگ دوریمیزگه قدر ییتیب کیلمه گن. بیراق، چاپ صنعتی اختراع ایتیلیب رواجلنیشی انسانلرنینگ اجتماعي، اقتصادي همده مدني حیاتیده کتّه اوزگریش و انقلابنی یوزه گه کیلتیردی.

دنیاده مطبوعات عالمی رواجله نیب باریشی بیلن اوشبو بولیم ده کوزگه کورینرلی فعالیت لر ایلگری سوریلیب یخشی گینه یوتوق لرگه ایریشیلدی. ایریم گزیته لر، نشریه ، کونده لیک و آیلیک لر هرکیشی نینگ قولیگه تیزلیککه ییتیب باره آلمه گنی باعث، باسیب چیقاریله دیگن نشرات اوز اورنینی انترنیت صحیفه لریگه تاپشیردی. سونگی نیچه ییل ایچیده انترنیت ترماق لری کینگ کولم ده رواجله نیب هرکیم نی اوزیگه تارتدی. هرکیم گه هرقندی علمی، مدنی، اجتماعی و سیاسی موضوع لر کیره ک بولگنده انه شو انترنیتده ایجاد ایتیلگن سایت لردن نیچه دقیقه ایچیده بیرعالم موضوع نی تاپیش گه قادر بوله دی.

دنیا هرچیککه سیده یوزبیرگن هرقندی واقعه و ینگی لیک لر انه شو سایت لر آرقه لی دنیابوتون خلقیگه ییتیب باره دی. یورتی میز افغانستان ده هم طالب لر تیزیمی اغده ریلیب دنیاجماعه چیلیگی نینگ یاردمی بیلن ینگی بیرحکومت ایجاد ایتیلدی. انه شوندن سونگ دموکراسی قدریت لری وسوز ایرکین رواجله نیب بارماقده. 

اولکه میزده عاموی اخبار واسطه لری جمله دن مطبوعات ایرکینلیگی طفیلی، تورلی نشرات اوچون قوله ی شرایط اورته گه کیلگن. یورتیمیزده گی باشقه تیللر قطاری اوزبیک تیلی اوچون هم انچه مناسب شرایط توغیلدی.یاشلرسایتی نینگ خادملری هم انه شو شرایط دن فایدله نیب برچه تیلشناس، ادبیاتشناس، شاعر و قلم کش لریمیزنینگ یاردمی بیلن اوشبو سایت نی آچیش گه قرار آلدیلر. البته یاشلرسایتی تورکیه ده استقامت قیلیب تحصیل قیلیب باره یاتگن بیرقطار افغانستانلیک یاشلر تامانیدن باشقه ریلیب اوز نشراتیگه باشله گن دیر.

خلقیمیزنینگ «یاتیب قالگونچه، آتیب قال» دیگنیگه عمل قیلیب، حاضرگی مطبوعات و عموماً عاموی اخبار واسطه لری ایرکینلیگیدن اونوملی و ییترلی فایده لنیش کیره ک. کورینیشیچه، باشقه لر قطاری بیزنینگ تیلداشلریمیز هم اوشبو شرایط و امکانیتدن اوز کوچ و امکانلریگه یره شه، آز می، کوپ می فایده لنماقده لر. تورلی فرهنگی و مدنی اویوشمه لردن آلیب، رادیو، تلویزیون ،انترنیت ترماقلری گچه اوزلریدن قووانرلی فعالیت کورسه تیب کیلماقده لر. بو اینتیلیشلرده اینیقسه یاشلریمیز کوپراق حرکت و اینتیلیش کورستماقده لر.

شونداق ایزگو و اونوملی ایشلردن بیری اوشبو «یاشلر» آتلی انترنیت صحیفه سی دیر. تورکیه مملکتی ده گی افغانستان لیک یاشلر اوشبو صحیفه آرقه لی، اوزبیک تیلی، ادبیاتی، تاریخی، فولکلوری بوییچه انچه ارزیگولی ایشلرنی بجرماقده لر. اوشبو سایت جانکویرلری قیینچیلیکلرگه قره مه ی، کوزلنگن ملی و فرهنگی هدفلری ساری ددیل و استوار آدیملر تشلب بارماقده لر.

اوشبو سایت ده یاشلریمیزنینگ شعرو مقاله لری، یاشلرنینگ غربت عالمیده بار قیین چیلیک لری، افغانستان و جهان ده یوزبیره یاتگن ینگی لیک لر، علمی و تفریحی یازوولر عکس ایتدیریلیب ، اوقووچیلریگه تورلی علمی، ادبی، تاریخی، سیاسی موضوعلرنی تانیتتیریب باره یپتی.

یاشلر سایتی اوز بیتلریده تورکی خلقلرنینگ تاریخی، ایسکی یادگارلیکلری، اوتمیش پارلاق سیمالری همده اینگ قدیمگی ادبی میراثلرینی تانیتیشده علمی مقاله لرنی ایزچیل نشر ایتیب کیلماقده. 

انه شو کبی یاشلر سایتی اسلام مقدس دینی تعلیماتی، مخصوص دینی و مذهبی کونلر و مناسبتلرگه عاید اوزیگه خاص مطلبلر و مقاله لرنی هم نشر ایتیب کیلگن.
قاله ویرسه، اوشبو سایت بیرقطار یاش یازووچی لر همکارلیگی ده تورلی ملی، فرهنگی و تاریخی مناسبتلر بوییچه مقاله لر ترقتگن.
قیسقه قیلیب ایتگنده، یاشلر سایتی اوزی نینگ قیسقه مدتلی فعالیتی گه قره مه ی، ارزیگـولی علمی، ادبی، سیـاسـی و تـاریخـی موضوعلرنی نشر ایتیب کیلگن. 
یاشلر سایتی نینگ یولی و کیله جگی بوندن هم پارلاق و اونوملی بوله دی، دیب امید و ایشانچ بیلدیره میز. .

ایتیش لازم که یاشلرسایتی نینگ خادملری برچه یورتداشلریمیزدن نشراتی میز یخشی له نیب تاباره رواجله نیب باریشی اوچون بیزگه یاردمچی بولیب فکر وملاحظه لری نی بیزگه یوباریب توریش لرینی آرزو قیله میز. همده برچه یازووچی وشاعر لریمیزدن بیزگه همکار و یاردمچی بولیش لرینی سوره یمیز.





ستاکهولم، سویدن

info@baborshah.com