صحبت منوروف

اوزبیکستان حقیده

نوروزبیره می

اوتکیرهاشموف نینگ حیات و ایجادی حقیده

|
|
۱۳
اسد
۱۳۹۲

 

alt

رحمتلی اوتکیر هاشموف

 

 

اوزبیکستان خلق یازوچی سی اوتکیرهاشموف نینگ

 

 

حیات و ایجادی حقیده

 

 

 

مرحوم نینگ وفاتی مناسبتی بیلن

 

 

او نینگ نشر بولگن اثرلری سانی

 

ایککی میلیون(2000000) نسخه دن آشه دی 

 

 

اوزبیکستان خلق یازوچی سی اوتکیر هاشموف تاشکینت شهری نینگ دومبِرآباد تومنی ده 1941 ییل نینگ 5 اکوستیده توغیلیب، باله لیگی اوروش قیینچیلیک لری ومحتاجلیک لری دوریده کیچدی. شونینگ اوچون او اورته مکتب نی اعلا بهالر بیلن بیتیرگن بولسه هم، عایلوی شرایطی یوزه سیدن ایشلب توریب اوقیشگه مجبور بولگن. تاشکینت دولت اونیویرستیتی (حاضر اوزبیکستان ملی اونیویرستیتی) ژورنالیزم فاکولته سی نینگ سیرتقی (غیابی تحصیل) بولیمیده اوقیش بیلن بیرگه، "تیمیر یولچی"، "تاشکینت حقیقتی"، "قیزیل اوزبیکستان" کبی گزیته لرده تورلی ایشلرنی بجرگن.

اوتکیر هاشموف ایجادی پوبلیسیستیکه یعنی عامه باب مقاله لر یازیشدن باشلنگن بولیب، بیرنچی کتابی 1962 ییلده "پولت چوانداز" نامی بیلن باسیلیب چیققن. اونینگ ایلک حکایه سی ایسه 1963 ییلی"تورت مکتوب" نامی بیلن چاپ ایتیلگن. کیینچه لیک مذکور حکایه اساسیده "چول هواسی" قصه سی (1963) یره تیلگن. مذکور قصه حقیده استاد عبدالله قهاردن آلینگن مکتوب، یاش ادیب الهامی گه الهام قوشدی، اونگه کوچ و قوت بغیشله دی. 

   1959 – 62 ییل لری "قیزیل اوزبیکستان"، "تاشکینت آقشامی" گزیته لریده ادبی خادم، بولیم مدیری، غ. غلام نامیده گی ادبیات و صنعت نشریاتیده باش محرر، 1985 – 95 ییللر، "شرق یولدوزی"، 2005 ییلدن " تیمپ" ژورنال لریده باش محرر بولیب ایشله دی.  بیرینچی ییریک نثری اثری "چول هواسی"، "آدملر نیمه دیرکین" (1965)، "شمال ییسه ویره دی" (1966)،"قلبینگ گه قولاق سال" (1973) قصه لری اعلان قیلینگن.

 

ادیب "نور بار کی سایه بار"(1976) رومانیده جمعیت اجتماعی حیاتیده گی علتلرنی، تورغونلیک نینگ ماهیتی نی آچیش اساسیده دور نینگ مهم معنوی – اخلاقی مسئله لرینی کوتریب چیقدی. شوندن سونگ او، ینه بیر گوزل اثرنی – اوزبیکستان یازوچیلر اویوشمه سی نینگ آی بیک مکافاتی بیلن تقذیرلنگن "دنیانینگ ایشلری" (1982) قصه سینی یره تیب معنویت حقیده بحث نی دوام ایتدیردی.

اوتکیر هاشموف ایجادیده "ایککی ایشیک آره سی"رومانی علاحده اهمیت گه ایگه بولدی.اونده ادیب قریب قرق ییللیک دورنی اوز ایچیگه آلگن و بیر قطار چیگل همده مرکب تقدیرلر مثالیده اوز خلقی نینگ تاریخی قسمتی نی مهارت بیلن عموم لشتیریب بیردی. شو سببلی هم اوتکیرهاشموف نینگ بو رومانی 1986 ییلده حمزه نامیده گی جمهوریت نینگ دولت مکافاتی گه سزاوار بولدی.

 اوتکیر هاشموف ماهر حکایه نویس، قصه نویس، رومان نویس و پوبلیسیست گینه ایمس، بلکه  دراماتور صفتیده هم زمانوی ادبیات رواجی گه تاثیر کورستدی.

اوتکیر هاشموف مترجم صفتیده بیر قطار مشهور یازوچیلر اثرلرینی اوزبیک تیلی گه اغدرگن. اونینگ اینگ یخشی اثرلری روس و باشقه تیل لرگه ترجمه ایتیلگن. ادیب نینگ برچه نشر ایتیلگن اثرلری ایللیکدن ارتیق بولیب، اولرنینگ عمومی تیراژی ایککی ملیون (2000000 )دن آشه دی.

  هاشموف گه ثمره لی ایجادی محنتی اوچون 1991 ییلی "اوزبیکستان خلق یازوچی سی" فخرلی عنوانی بیریلگن.                                          

        2013 ییل 24 می کونی، اوتکیرهاشموف نینگ وفاتی بیلن اوزبیک ادبیاتی آغیر جدالیک که اوچره دی.اونینگ وفاتی اوزبیک خلقی اوچون کتته یوقاتیش بولدی.

مطبوعاتده نشر قیلینگن کتته تعزیت نامه ده، اوزبیکستان جمهور رئیسی ایریم دولت رهبرلری بیلن بیرگه، اوزبیک ادبیاتی ساحه سیده اوتکیر هاشموف نینگ ایجادی ایشلری گه یوکسک بها بیریب، اوشبو الملی حادثه مناسبتی بیلن چوقور تأثر بیلدیرگن حالده، مرحوم نینگ عایله سیگه تسلیت اظهار ایتکن لر.

 پروفیسور شرعی جوزجانی

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

  منبعلر: اوزبیکستان یازوچیلر اویوشمه سی ارشیفی، اخبارات آژانسی، خورشید دوران ویب سایتی و  ZIYOUZ.COMالکترون صحیفه سی.

 

 


شو موضوعده









ستاکهولم، سویدن

info@baborshah.com