صحبت منوروف

اوزبیکستان حقیده

نوروزبیره می

بابر کلتوری انجمنی نوروز بیرمی نی کوتیب آلدی

|
|
۰۸
حمل
۱۳۹۴

alt

شنبه کونی21 مارچ ستاکهولم شهریده گی «تومبه» کتته زالیده نوروز بیرمی نی کوتیب آلیش اوچون بابر کلتوری انجمنی تامانیدن کینگ ییغیلیش تشکیل ایتیلدی. ییغیلیشده انجمن اعضالریدن تشقری، اوزاق - یقین دن کیلگن بیر قطار مهمانلر هم اشتراک ایتگن ایدیلر.

محفل قرآن کریم دن بیرنیچه آیت تلاوت قیلینگندن سونگ آچیلیب،  برچه مهمانلرگه ییتتی میوه شربتی تارتیلیب، پارِم موزیک ینگره دی. محفلده نطاقلیک وظیفه سینی یاش کدرلردن جیحون سید  و لاله سید آلیب باردیلر. اولر محفل دستوری (پروگرامی) نی اعلان قیلگندین کیین انجمن رئیسی حقوق فنلری دوکتوری پروفیسور عبدالحکیم شرعی جوزجانیدن محفلنی آچیب بیریش اوچون سوزگه چیقیش نی سوره دی. استاد جوزجانی سوزگه چیقیب برچه انجمن اعضالری و مهمانلرنی ینگی ییل و نوروز قوتلوغ کونی بیلن تبریکله دی ونوروز برچه عایله لرگه تینچلیک، ساغ – سلامتلیک، بخت و سعادت ییلی باشله نیشی بولسین دیب ایستک بیلدیردی                                         

استاد جوزجانی تاکیدلب دیدی که نوروز هیچ بیر ملت یاکه بیر خاص قوم نینگ انحصارید ه ایمس و هیچ قنداق دین ومذهب گه علاقه سی یوق. اونی زردشتیلردن قالگن بیر بیرم صفتیده تلقین قیلیش، آریا پرست متعصب تار فکرلرنینگ اساس سیز دعواسیدن کیلیب چییقه دی.                                                                          

تاریخی منبعلرگه کوره نوروزنی ینگی ییل نینگ بیرینچی کونی و طبیعت نینگ اوزگریشی باشله نیشی صفتیده میلاد دن نیچه مینگ ییل آلدین «سومرلر» اورته آسیاده طنطنه لر بیلن نشانلب کیلگنلر و بین النهرین گه کوچیب اوتگنده اوزلری بیلن آلیب بارگنلر و اونی ایران و آزربایجانگه ترقتگنلر. اولردن اوزیلیب قالکن اورته آسیا خلقلری بو فیضلی عنعنه گه حاضرگه چه دوام بیریب کیلماقده لر. حاضر اوزبیکستانده نوروز بیره م بوتون مملکت حدودیده اینیقسه تاشکینت شهریده، منطقه مقیاسیده اینگ شکوهلی مراسملر بیلن نشانلنه دی. نوروز بیره می آزربایجان جمهوریتی تکلیفیگه کوره یونسکو تامانیدن دنیا خلقلری نینگ عمومی بیرملریدن بیری صفتیده قبول قیلینیب، ثبت ایتیلدی.

استاد جوزجان دیدی: محمود کاشغری دیوان لغات الترک ده یازیشیچه، تورکی خلقلر ییل نینگ بیرینچی کونی نی «ینی ییل» دیب اته گنلر. نوروز شوآت نینگ ترجمه سی بولیشی ممکن.

اوندن سونگ انجمن معاونی، واجرائیه باشلیغی تیمور اونگوت سوزگه چیقیب بو گونگی محفل دستوری حقیده معلومات بیردی.

شونینگدیک انجمن معاونی و خاتین قیزلر بولیمی نینگ مسئولی ثریا سید، لونا معصومی، کریم جویا، ... مقاله و شعرلرینی اوقیدیلر. نرگس سید، ایمل معصومی و صدف معصومی سوِیدن تیلیده بیر تمثیلی پرچه اجرا ایتیب، قرسکلر بیلن کوتیب آلیندیلر.

ویدا یارقین و آی بیک جوزجانی، اوزبیکچه، فارسچه و هندچه قوشیقلر اجراسی بیلن، القیشلرگه سزاوار بولدیلر.

کاظم نیازی اوزبیکچه شعرلردیکلامه سی بیلن محفلنی قیزیتیب توردی.

اوقَت صرفلنگندن کیین حسنیه ملک و حمیده جوزجانی اشتراکیده «مینچاق سالدی» اویینی بولیب اوتیب، سوملک حلواسی ترقه تیلدی.

یونس سید و سهراب حلیمی تماندن قیزیقرلی کنسرت اجرا ایتیلیب، موزیک و کویلر اویین و کولگولر بیلن اوله شیب کیتدی.

محفل اداغیده تیموراونگوت تیکلیفیگه کوره ایریم کدرلراوچون تییارلنگن تقدیرلش ساوغه لری، انجمن رئیسی آرقه لی اولرگه تاپشیریلدی.

ییغیلیش کتته قیزیقیش بیلن صیمیت دن توله فضاده ساعت 24 گه چه دوام ایتدی.

راپورتر: پروین جوزجانی.

فوتوگراف: بابر معصومی.

 

محفلدن کورینیشلر

alt

alt

alt

 

 

 

 

 

 

 

 

 


شو موضوعده









ستاکهولم، سویدن

info@baborshah.com