صحبت منوروف

اوزبیکستان حقیده

نوروزبیره می

شاعر محمد اسحاق "ثنا" نینگ اثرلریدن

|
|
۰۷
عقرب
۱۳۸۹

 

 

شاعر محمد اسحاق "ثنا" نینگ اثرلریدن


محمد اسحاق "ثنا" اوزبیک تیلی نینگ ایزچیل شاعرلریدن بیری صفتیده، کوپ ییللردن بیری تینیمسیزشعریازیش بیلن شغللنیب کیلماقده. اونینگ سیرمحصول ایجادیده غزل ژنری کوپراق کوزگه تشلنه دی. غزللریده سیوگی حسیاتی، آنه مهری، وطن سیورلیک تویغولری شونینگدیک بهارفصلی و طبیعتگه  شیدالیک حالتلری کینگ  کولمده عکس ایته دی. شعرلری هردایم اولکه مطبوعاتیده و تورلی سایتلرده چیقیب توره دی. بیز استعدادلی ووطن سیور شاعریمیز محمد اسحاق"ثنا" گه ساغلام حیات و ایجاد یولیده کتته یوتوقلر تیلب، شعرلریدن پرچه لرتقدیم ایته میز.

ایلدرم

 

یسندی باغلر

کیلدی گل فصلی بهار اولدی  یسندی باغلر،

سیر گل  ایتماق ضرور ایمدی کیلینگ اورتاغلر .

نی که بول کون گل بیلن چقنر نه یلغوز بوستان ،

لاله بیرلن چقنه شور  الوان کیبدور راغلر .

ایرته لب کیلگی قولاغ ی مگه نوای عندلیب،

چونکه بلبل بوستان گه کیلدی ، کیتی زاغلر .

کیم که کورسه ایککی مخمور کوزلرینگ سر مست ناز،

محو اولوب     قولدن      بیرر عقل ی نی    برچه  ساغلر .

زهدا !   چقگیل اوی ینگدین ترک عزلت ایله گیل ،

چون کیلیبدور یخشی فصل ویخشی پیت و چاغلر .

ای فلک رحم ایله گیل مسکین "ثنا" دور بغری قان ،

سالمه گیل   موندین زیاده   داغ    آرا    سن داغلر.

کوکلم

کیلدی بهار فصلی یاران لر نوا ایله

بلبل صدا سی کیلدی سحر لر صدا ایله

کوکلم توتیبدور  ایمدی  همه دشت و تاغ نینگ

چیچک آچیلدی گلشنه نازو ادا ایله

هرکیم چیقیب کوکت اوزر اؤز نشه سی اوچون

یاش و قری و صوفی و زاهد، عصا ایله

گلدیک یوزینگنی گل لره کورست چمنده سن

کیل ای گوزه ل  چمن ساری  گلگون قبا ایله

غربتده کیچه- کوندوزیمیز  اوست به اوست اوتر

آه و فغان و رنج و عذاب و جفا ایله

ظالم کیشی جهانده یشب تاپمسون کمال

بولسون حیات دوریده دایم  بلا ایله

یارب وطنغه صلح و صفا ایله گیل نصیب

آواره لر وطن ساری کیلسون "ثنا" ایله.


اولوغ بابا

ای نوائی سنگه فخروسنگه شان
معرفت
ن
ینگ مظهری سن بیگمان


هم سیاست هم بیلیم میدانیده
سن بیوک انسان وفخر هرزمان


برچه کونگل لر گه محبوب القلوب

سین سن ای سوز ملکیده صاحبقران


شهرتینگ عالم نی توتدی فخر ایله
حشمتینگ بولدی قویاش ینگلیغ عیان


شوکت اوجیگه کوتردی باشینی
شانلی دورینگده هرات باستان


کور کوزوب کیلدینگ هنر ده معجزه
خمسه ده بولدی تیلینگ جادو بیان


علم و صنعت شعر و موسیقی ده هم
شکسیز ایردینگ ا
و
ستاد نکته دان


ذواللسان شاعر ایرورسن مخته سم
ای اولوغ بابام نوائی بیگمان


من کیم و ،وصفینگ نی یازماق چون "ثنا"
عجز ایله بو قسقه سوز یازد
یم روان

 

سلمنا


قویاش دیک نور ساچگن ماه رخسارینگه سلمنا

کونگل لرنی یاروتگن سیوگی دیدارینگه سلمنا

اثرتامگی کلام
ینگدین تبسم ایله سنگ بریول
حلاوت دین توله لعل شکر بارینگه سلمنا

طراوت موج اورر هریان چمن ده سیلکینیب یورسنگ
خرامینگ وه نی زیبا سرورفتارینگه سلمنا

تون آقشام بزم ایچره لطف بیرله-یر نظر ایتدینگ

سیوند
یم مست اولدوم چشم خمارینگه سلمنا

لطافت مظهری دور باش
- ایاغینگ ای سیور یاریم
یوزینگ رشک چمن دور خال تاتارینگه سلمنا

کونگل ملکی
نی تسخیر ایله دینگ شیرین سخن بیرله
همه عشق اهلی ایتکی
تاتلی گفتارینگه سلمنا

"ثنا "عزت قیلیب حرمت بیلن جاندین عزیز اولکه

باتورلر مردمیدان همده ایلغارینگه سلمنا

 

فرقت

فرقتینگدین کیلدی جانیم آغزیمه کیل ایرته راغ

بولمه گیل مونچه مین بیچاره عاشقدین اوزاغ

لاله دیک کویگن یوره ک لر تلپینورحسرت چیکیب

ساچ لرینگ تاریغه هردم ناز ایله اورسنگ تراغ

من غریبنی جَوره تیب ایککی کوزیمدین یاش توکوب

قیلمه رسوا   ایل ایچینده   بویله ای     بادام قباغ

تاپمه گی سن من کبی بیرجان فدا دیناده سن

اوزگه لرنی سوزیگه سن سالمه گیل هرگز قولاغ

کوزقیپیپ باقدینگ تو ن آقشام شوم رقیبگه ای گوزه ل

بولدی بیچاره      "ثنا"   رشک اوتی برله     داغ-داغ


شو موضوعده









ستاکهولم، سویدن

info@baborshah.com