صحبت منوروف

اوزبیکستان حقیده

نوروزبیره می

داکتر فیض الله ایماق، آلتین مدال بیلن تقدیرلندی

|
|
۰۶
میزان
۱۳۹۱

 

آلتین مدالنی تاپشریش مراسمیدن


،افغانستانلیک اوزبیک ژورنالیست و یازوچی داکتر فیض الله ایماق

کانادا دولتی نینگ الماس و آلتین مدالی بیلن آلقیشلندی

بو تقدیر نامه ـ ایوارد، کانادا ملکه سی ایککینچی الیزابت ۶۰ ییللیگی مناسبتی بیلن، جماعتچیلیک ـ رضاکارانه – ولنتیر اساسیده خذمت کورستگن شخصلرگه مولجللنگن آلتین و بیرلیان” الماس” مدالیدیر.

بو یارلیق، کانادا دولتی، آنتاریو ایالتی امیگریشن و ستیزنشیب وزیری چارلس سوسا تامانیدن داکتر ایماققه، مدنی و کلتوری فعالیت لری اوچون، تقدیم قیلینگن.

کانادا دولتی هر بیش ییل مابینیده ، جماعتچیلیک اساسیده خذمت کورستگنلرنی، فخری یارلیق و تورلی مداللر بیلن آلقیشله یدی.

کانادا دولتی، داکتر ایماقدن تشقری، مذکور مملکتده حیات کیچیره یاتگن ینه 7 افغانستانلیکنی آلتین مدالیگه سزاوار کورگن.

ایماق جنابلری، کانادا ده مدنی و ژورنالیستیک فعالیت لری بیلن مشغول بولیب کیله یاتگنی همده، کانادا نینگ تینچلیک یولیده ترغیبات فعالیت لرنی آلیب بارگنی، مذکور مدالنی قولگه کیلتیریشگه سبب بولگن دیب معلوم قیله دی.

داکتر فیض الله ایماق 7 ییل دن بیری کانادا ده یشه ب کیلماقده. او نینگ معلوم قیلیشیچه، حاضر گه قدر اونلب تورلی مقاله لردن تشقری، 11 عنوان کتاب نی تحقیق قیلیب یازگن. اما اقتصادی معما لر سببلی مذکور کتابلری نینگ 7 ته سی حاضر گه قدر چاپ ایتیلمه گن.

داکتر فیض الله ایماق، فاریاب ولایتی نینگ اندخوی تومنیده 1324 قویاش ییلی دنیاگه کیلگن. باشلنغیچ مکتب نی اندخویده و کابلده گی اورته ابن سینا اورته مکتب و دارالمعلمین گه تحصیل آلگن. کیین کابل دارالفنونی نینگ ژورنالیزم فاکولته سیدن هم 1350 قویاش ییلی فراغت سندینی قولگه کیریتگن.

ایماق جنابلری کوپ ییلرنی افغانستان ملی رادیوسیگه ایریم بولیملرده ایش بجریب کیین اوزبیکستانگه کیتگن. تاشکینت نینگ اولوغ بیک نامیده گی دارلفنونی دن خلق قوشیق لری ناملی علمی ایشلریدن دوکتورلیک عنوانینی هم اوزیگه ایگلله گن.


حبیب الرحمن قویاش – بی بی سی

منبع: ففتا


 

 


شو موضوعده









ستاکهولم، سویدن

info@baborshah.com