صحبت منوروف

اوزبیکستان حقیده

نوروزبیره می

بــابــر مــلـی بــاغـیــده

|
|
۳۰
دلو
۱۳۹۰

 

 

 

بابر تولدی نینگ 529 ییللیگی مناسبتی بیلن

 

 

 

اندجانده گی

بــابــر مــلـی بــاغـیــده

 

اندجان، اولوغ شاعر ظهیرالدین محمد بابر توغیلگن مبارک جای. اندجان شهری نینگ جنوبی- شرقی تامانی، باغ شمال حدودیده جایلشگن بابر ملی استراحت باغی اوزبیکستان مستقللیگیدن سونگ کتته قوریلیشلر گواهی بولیب کیلماقده. باغ نینگ مرکزیده "بابر و جهان مدنیتی" نامی بیلن اتلگن کتته بابر موزیمی قد کوتریب، تیموریلر معمارچیلیک صنعتینینگ رمزی بولمیش یوکسک ماوی گنبذی بیلن آدملرنینگ دقتینی اوزیگه تارتیب توره دی. موزیمده بابر و تیموریلر سلاله سیگه تیگیشلی تورلی- تومن تاریخی یادگارلیکلر، کتابلر وقولیازمه حجتلر جایلشتیریلگن. موزیم نینگ آلدیده گی میدانده بابرنینگ نسبتا کتته هیکلی قوریلگن.

موزیم نینگ یوقاری ساحه سیده کابلده گی بابر شاه باغی کورینیشیگه اوخشه تیب، مسجد و بابر نینگ رمزی قبری قوریلگن. رمزی قبرده آگره دن و کابلده گی بابر قبریدن کیلتیریلگن توپراق قوییلگن. آدملر زیارتگه کیلگنده، رمزی قبر اطرافیده اولتیریب فاتحه اوقیب کیته دیلر. بو ییرگه ایککی تاماندن چیرایلی زینه لر بیلن چیقیله دی.

باغ نینگ مدخلی – ایشیگی جاییده مرمر تاشیدن بلند "ارگ دروازه سی" چیرایلی شرقانه اسلوبده قوریلیب باغنی بیزب توره دی. باغ نینگ گوشه- کناریده دم آلیش جایلری، آشخانه، کافی و چایخانه لر موجود و تماشاچیلرگه خدمت قیله دی.

اندجانده گی بابرملی استراحت باغی نینگ باشقه بیرتامانیده آسمه سیم یولی (هوایی واگونلر)، ایشلب توره دی وعلاقمندلرنی تاغ تیپه سیده گی رستورانت و چایخانه لرگه و "باله لر دنیاسی" رصدخانه سیگه ایلتیب- کیلتیریب توره دی.

بابر فوندی رهبریتی قراریگه کوره، باشقه مملکتلرده اوسه دیگن تورلی خیل میوه لی و منظره لی درختلر و تورلی اوسیملیکلر پرورش قیلینماقده. ایریم اروپا دولتلریدن فلمچه سی آلیب کیلیب ایکیلگن زیتون درختلری اوسدیریلیب، اوزبیکستان اقلیمیگه ماسلشتیریلماقده.

بیز قوییده، باغدن آلینگن ایریم فوتولریمیز بیلن حرمتلی اوقوچیلرنی اندجانده گی بابر ملی باغی بیلن تنیشتیره میز.


 

ا


شو موضوعده



۱۳۹۲
حمل
۱۹






ستاکهولم، سویدن

info@baborshah.com