صحبت منوروف

اوزبیکستان حقیده

نوروزبیره می

جلال الین قیامی

|
|
۱۱
حوت
۱۳۹۴

 استعدادلی شاعر حرمتلی جلال الدین قیامی نینگ، اولوغ بابامیز امیرالکلام علی شیر نوایی حضرتلری نینگ   575ینچی توغیلگن کونلری مناسبتی اوچون بابر کلتوری انجنمی گه یوبار گن شعرلری :

جلال الدین قیامی

نوایی

 

نوايي  بير  بيليملــــــــــــــی  عاقل و فرزانه  انساندور

ادب  ملکین  مزین  ایله گن  تینگسیز  بیلیمــــــــداندور 

توزيب  ايزگو  اثرلر  كلكيدن  شهد و شكــــر  ساچدي

سوزين  هر  نكته ســــــي  قيمت  بها  لعل  بدخشاندور

گوزل  فرهنگيميز  فيضي ايله  وه  ني  عجب  اوسدي

ادب  ملكين  منــــــــــــــور  ايله گن  مهر  درخشاندور

نچوك  تيل  تيبره تي  يا  كيم  صفاتين  قيسي سين ايتي

بوتون  عالمغه  چاوي  يیره گــــــن  اولكن  سخنداندور

سخن  اقليمينـــــــي  تسخير  ايتيب  يشنه تدي  همتاسيز

سخن سلطانـي  ديب  اوشبـو  سببدين  آت  قازانگاندور

چرايلی  اوتوز ايكکی هر بير آثارين اوقوب كورسنگ

معانی  اينجو سیدن  زينت  آلگن  گنـــــــــج  عرفاندور

ادب  آچوني نينگ  انچه  رمــــــــــوزين  آشكار  ايلب

معاني  دينگيزی  تولقين  اوريب  همده  خـــروشاندور

ايرور  ارزشلي  دنيا  ماليگه  هر  توپلمــــــي  سوزين

بيري  بو  جمله دن  سـوز اولچاوي  ميزان الاوزاندور

سيويب  چين  قلبيدن عالم  كيشيلرنـــی  بيريب  حرمت

نوايي  يا  كه  فانی  ترك  تأريخينده  عنـــــــــــــواندور

كيچيكليک  پيتيدن  ممتاز ليكگه  نامـــــــــــــدار اولدي

اون ايكکي ياشده يازگن چامه سي چوخ عنبر افشاندور

ترنم  بولسه  هــــر بير  بزم  ارا  حضار  دير  احسنت

نوايي  بابه ميز  حقا  ادب  ملكيـــــــــــــــده  سلطاندور

اثرلارين  اوقيش  پيتتيده  كونگول  شادمان  اولغــــــی

نیگاکیم هر بیری  گل  چقنه گــــــــن  باغ و گلستاندور

صناعت  بابیدا  هم  او  ایـــــــرور  بیر  مستعد  انسان

مهارتلی  اولوغ  نقاش و هم  ایلیازمــــــــه  یازغاندور

چقور  مهرين  قوييب  چالغوچاليش  فنينـــي اورگندی

ساچيب  نورين  ادب  دنياسی  ايچره  فكـــری تاباندور

سياست له  عدالت  رمزيني  هم  او  انيــــــــق  انگلب

سياستچي،  مقام  اربابــــــــــــي و با شوكت  وشاندور

لياقت  كورسه تيب  هـر ايشگه  او  دانا  وزير  اولدي

خردمند و مدبر  مايۀ  فخــــــــــــر  خــــــــــراساندور

قوريب  سانسيز  مكاتب  مسجد و باشقه  بنالرنــــــــي

بويوك  تدبير  ايله  قيلگن  ايشي  ايل  ايچره  دستاندور

بيليم  اوجيگه  اوزنی  ييتكيريب  دللــــــرده  جا  آلدي

محبتدن  توليق  هــر بير  سوزي  مقته شگه  شاياندور

نوایی  روزگارین  اعتلاسیــــــــــــــدن خبر بولسانگ

ديگيلر  معرفت  اقلیمیده  شوکتلــــــــــــــی  دوراندور

نيخوش  ترك  اهليدن  دنياگه  كيلگن  بو  كبي  كيمسه

قوياشديك  پارله بان  انواريدن  دنيا  چـــــــــراغاندور

يراتيب  اوزبيكـــــــــــــي و فارسي  تيللرده  اشعارين

بلاغت  ملكيده  آتــــــــــي  اولوغ  حشمتلي  خاقاندور

ثبوت  ايتدي  تيلين  آرتيقليگيني  فارســــــــــي  تيلدن

انينگ  بو اوتگير استعداديگه  علــــم اهلي  حيراندور

اولوس  ايسدن چیقرمي  بابه ميز ديب  افتخار ايتگـی

نيچونكيم  بوكبی  قيلگن  ايشـــــي  حددين  فراواندور

توانيگه  قدر  اوصافيني  كويلب  "قيامي"  هــــــــــم

بابا سين  ناميگه  فخـــر  ايله گوچي  كيمسه لرداندور

                                                   جلال الدين قيامي

 


شو موضوعده




۱۳۹۵
ثور
۰۲

۱۳۹۴
حوت
۱۲




ستاکهولم، سویدن

info@baborshah.com