صحبت منوروف

اوزبیکستان حقیده

نوروزبیره می

شرق و انسان حقوقلری



 

«شرق و انسان حقوقلری»

اکادمیسین اکمل سعیدوف و شرعی جوزجانی یازگن ایککی مهم کتاب

 

یازووچی: استاد عبدالله تاشقین

اوزبیک تیلی- کیریل یازوویده تنیقلی حقوقشناس عالم اکادمیسین اکمل سعیدوف و اکادمیسین عبد الحکیم شرعی جوزجانی هم مؤلفلیگیده یازیلگن ۲۱۴ بیتلیک تاریخی و حقوقی لوحه لردن عبارت «شرق و انسان حقوقلری» کتابی، ۱۹۹۸ ییل «اجتماعی فکر مرکزی» تمانیدن تاشکینت شهریده نشردن چیقدی. شونیگدیک بو ایککی مؤلف یازگن «شرق سویلیزیزتسیه سی(تمدنی): انسان و حقوق (اوتمیش و حاضرگی زمان) ناملی ایککینچی کتاب ۱۷۱ بیتده ۲۰۰۵ ییل «عدالت» نشریاتی تمانیدن کریل یازوویده باسیلگن.

ایککله کتاب هم موضوع و مضمون یوزه سیدن ینگیلیک حسابلنه دی، اولرده کیریتیلگن مسئله لر کمال دقت بیلن علمی اسلوبده تحلیل قیلینیب، خلاصه چیقریلیشی، مؤلفلرنینگ بو ساحه ده علمی صلاحیتگه ایگه ایکنلیگیدن درک بیره دی. بیز بوییرده بیرینچی کتابنی قیسقه چه معرفی قیلیب، ایکینچی کتابنی کیینراق تنیتیب اوته میز دیب وعده بیره میز.      

شرق وانسان حقوقلری:                                                                           ـــــــــــــــــــــــــــــــــــ

«شرق وانسان حقوقلری» کتابی قوییده گی موضوعلرنی اوز ایچیگه آله دی:

 حقوقی اصلاحاتلر: اوزبیکستانه یانده شوونینگ اوزیگه خاص خصوصیتلری (مقدمه اورنیده)؛  

 انسان حقوقلری عموم بشری قدریت؛

اسلامگه قدر اوزبیکستان حدودیده انسان حقوقلری؛

اسلام دولتچیلیگی تعلیماتیده انسان حقوقلری؛

شریعت، عدالتگه اساسلنگن حقوقی تیزیم؛

شریعتده انسان حقوقلری تلقینی؛

ماوراؤالنهرده حقوقی اویغانیش؛

«الهدایه» اسلام حقوقشناسلیگی گه عاید مهم منبع؛

شرق متفکرلری انسان حقوقلری توغریسیده؛

امیر تیمور دوریده انسان حقوقلری؛

تیموریلر دوری (اویغانیش دوری) و انسان حقوقلری؛

عبد الرحمان جامی – انسانی قدریتلر کویچیسی؛

اوزبیکستان کنستیتوتسیه سیده (اساسی قانونیده) انسان حقوقلری عموم جهان دیکلارتسیه سی (انسان حقوقلری خلق ارا اعلامیه سی) قدریتلری نینگ انعکاسی؛

کنستیتوتسیه – مستقللیک، دیموکراسی و انسان حقوقلری اساسی؛

انسان حقوقلری: شرقانه عنعنه لر و تجربه لر؛

خاتمه.

  کتاب نینگ «انسان حقوقلری – عموم بشری قدریت» دیب اتلگن قسمیده، انسانیت تاریخیده ینگی بیر دور – دیموکراسی و انسان حقوقلری دوری باشلندی. بیرلشگن ملتلر تشکیلاتی ۱۹۹۵- ۲۰۰۵ یلللرینی کره میزده «انسان حقوقلری اون ییللیگی» دیب اعلان قیلدی، دیب تاکیدلنه دی، اوزبیکستان اساسی قانونی و بشقه قانونلرده انسان حقوقلری و ایرکینلیکلری نیچاغلی انیق و خلق ارا قبول قیلینگن معیارلرگه موافق اوز افاده سینی تاپگنی ایضاحلب اوتیله دی.

مولفلر کتابده باشلنغیچ جامعه لرده انسان حقوقلری (چیگره لنگن ساحه ده بولسه هم) یازیلمگن قانونلر(عرف- عادت حقوقی) آرقه لی حمایه قینیب، اولرگه نسبتا مهر و شفقت کورسه تیب یورک کویدیریش، اوشه دورلرده، قبول قیلینگن اخلاقی معیارلر بیلن تشویق و ترغیب ایتیلیب کیلگن.

مؤلفلر قدیمی شرقی منبعلرگه اساسلنیب، تورلی جمعیت و دولتلرده انسان حقوقلری قندی اوز عکسینی تاپگنی، اسلام حقوقیده دقیق و یققال شکلده بو باره ده مهم منبعلر جمله دن برهان الدین مرغینای «الهدایه» کتابی اوستیده مفصل بحث یوریته دی. اینیقسه امیر تیمور توزوکلری و تیموریلر دوریده یره تیلگن ۶ جلدلیک«فتاوای عالمگیری» حقوقی کودیکسیده بو حقده تیگیشلی موضوعلرؤؤعلمی اسلوبده تحلیل قیلینه دی.

کتابده تاکیدلنیشیچه اویغانیش دوری بولگن تیموریلر دوریده یشگن شاعر و متفکرلر ایننیقسه علیشیر نوایی و عبدالرحمان جامی کتابلری، کوپینچه انسان مقامینی اعزازلب، اولرگه نسبتا حرمت بیلدیریش و حقوقلرینی آیاق آستی قیلمسلیککه قره تیلگن هومانیستیک اثرلربولیب، هیچ قچان اوز قدر و قیمتینی یوقاتمیدی.

شرق و انسان حقوقلری کتابی «انسان حقوقلری: شرقانه عنعنه لر و تجربه لر» عنوانلی بیر فصل بیلن اوز اداغیگه ییتته دی.

بیز کتاب مؤلفلری اکادمیسین استاد اکمل سعیدوف و اکادمیسین شرعی جوزجانی نی اوشبو قیمتلی کتاب تألیفی بیلن تبریکلب، اولرگه کتته علمی یوتوقلر تیلیمیز.

عبدالله تاشقین  

 





مطالب دیگر در این موضوع





ستاکهولم، سویدن

info@baborshah.com