صحبت منوروف

اوزبیکستان حقیده

نوروزبیره می

بابر کلتوری انجمنی نینگ بیرینچی قورولتایی

|
|
۱۴
عقرب
۱۳۹۶


بابرکلتوری انجمنی

ینگی باسقیچی نینگ بیرینچی قورولتایی

 حرمتلی بابر مخلصلری!

خبرینگیز بار انچه مدتدن بویان بابر کلتوری انجمنی ایریم سببلرگه کوره اوز مدنی فعالیتینی دوام بیره آلمی کیلردی. کمال تأسف بیلن کوپ ییللردن بیری بابر ویب سایتیده  ییغیلیب کیلیب، بیر علمی - ادبی ریفرنس شکلینی آلگن آلتی یوزگه یقین علمی، ادبی، تاریخی مقاله و شعرلر، ایریم کتابلر، باله لراوچون قوییلگن کارتون فیلملر و شو کبی کوپ متیریاللر بیر قتار تخنیک پرابلملر نتیجه سیده بابرسایتیدن اوچیب یوق بولدی.

لیکن بابر ایزداشلری بو مشکلاتگه قره مسدن، انجمن نینگ فرهنگی حیاتینی تیکلش یولیده آلغه قدملر قویب، بابر ویب سایتینی قیته قوریشگه موفق بولدیلر.

شو جمله ده بابر کلتوری انجمنی فعالیتی نی ینگی باسقیچگه کوتریش مقصدیده بیرینچی قورولتای نی یولگه قوییش بوییچه تصمیم آلیندی.

کیلیشوو اساسیده بابر کلتوری انجمنی مدنی حیاتی نینگ بیرینچی قورولتایی شنبه کونی ۲۱ – سپتمبر ۲۰۱۷ ییل ستاکهولم شهریده بولیب اوتدی.

یغیلیشنی اشتراکچیلر قراری اساسیده اکادمیسین شرعی جوزجانی آلیب باردی.

استاد جوزجانی جلسه نی آچیب، انجمننی ینگی باسقیچگه کوتریش یولیده فعالیت آلیب بارگن اعضالرگه ممنونیت اظهار ایتدی و بوندن کیین تشکیلات بیرلیگینی کوز قاره چیغیدیک اسرش برچه میزنینگ ملی بوچیمیز ایکنلیگی اوستیده توخته لیب اوتیب، مجلس اجنداسینی اعلان قیلدی.

قورولتای اعضالری بو حقده فکر المشوویدن کیین آجندا اساسیده انجمن رئیسینی سیلش مسئله سی اورته گه قوییلدی. بیر قتار کدرلر استاد جوزجانی کاندیدینی تکلیف قیلدیلر، لیکن استاد جوزجانی نینگ فکری قوییده گیدیک ایدی:

«اولدن هم ایتیب کیلگنیمدیک، مین ایستیمن که بو وظیفه انجمن نینگ ایککی حرمتلی اعضالریدن بیری – انجنیر سید اکرم لاچین و یا داکتر غلام نبی سلطانی گه تاپشیریلسه، جودا هم اورینلی بوله دی. نیگه که اولر عالی تحصیل و کینگ تجربه گه ایگه بولیش بیلن بیرگه، تشکیلاتنی اداره قیلیش اسلوبینی هم یخشی بیله دیلر. مین البته اولرنینگ یانیده توریب علمی ادبی ایشلرنی آلیب باره من»

لیکن اولر ایکاولری بو حقده فکر بیلدیریب، اوشبو وظیفه اوچون استاد جوزجانی اینگ مناسب کاندید ایکنلیگینی کوپ دلیللر بیلن تأکیدله دیلر. بو تکلیف برچه اشتراکچیلرتمانیدن تصدیقله نیب، استاد نینگ کاندیدلیگی اورته گه قوییلدی.

جلسه اشتراکچیلری بیر آواز بیلن(بالاتفاق) اکادمیسین عبدالحکیم شرعی جوزجانی نی ایککنچی قورولتای گه چه بابر کلتوری انجمنی رئیسی ایتیب سیله دیلر.

اوندن کیین رهبریت هیئتی ترکیبی حقیده فکر و ملاحظه لر بیلدیریلگندن سونگ، قوییده گیلر بیر آواز بیلن باشقروو هیئتی اعضالری صفتیده سیلندیلر:

  • بابر معصومی

  • سید یونس

  • نرگس برنا

  • خالد لاچین

  • همایون

  • سنجربیک

  • خسرو سید

    اولردن نرگس برنا بابر کلتوری انجمنی منشی سی و خالد مالیوی ایشلر مسئولی صفتیده سیلندیلر.

    انجمن بولیملری نینگ مسئول لری قوییده گیدیک تعیینلندی:

  • لونا قیتمس، خاتین – قیزلر ایشلری مسئولی؛

  • ثریا سید آنه تیلنی اورگه تیش ایشلری مسئولی، ویدا یارقین و سکینه ... اونینگ معاونلری؛

  • آی بیک جوزجانی انجمن محفل لری و بابر سایتی نینگ تخنیک ایشلری مسئولی؛

  • سنجر بیک سپورت ایشلری مسئولی؛

  • انجمنگه تیگیشلی ییغیلیشلر و تدبیرلرنی اوتکزیش تشکیلی ایشلری بابر معصومی و اونینگ یاردمچیسی اکبرجان گه تاپشیریلدی؛

  • سید یونس گه موسیقی گروپینی تقویه قیلیش و بو صنعتنی ایریم یاشلرگه اورگه تیش وظیفه سی تاپشیریلدی. شفیع عظیمی اونگه یاردم بیره دی.

  • بابر سایتینی یوریتیش و فرهنگی ایشلرنی آلیب باریش وظیفه سی اکادمیسین جوزجانی ذمه سیگه یوکله تیلدی؛


  اوندن کیین تورت فصل و ۲۵ ماده نی اوزایچیگه آلگن بابر کلتوری انجمنی اساسنامه سی انجمن رئیسی تمانیدن اوقیب ایشیتتیریلدی، بو باره ده فکر و ملاحظه لر بیلدیریلگندن سونگ برچه قورولتای اعضالری تماندن بیر آواز بیلن قبول قیلیندی و اونینگ ترجمه سینی سوید تیلیگه تییارلش اوچون انجمن منشی سیگه تاپشیریلدی.

شونینگدیک قورولتای، بابر کلتوری انجمنی، انجمن نینگ منشی سی نرگس برنا آتیگه ریجستر قیلینسین دیب قرار قبول قیلدی.

بولردن تشقری حق العضویت مقداری و اونی تولش اصوللری بیلگی لندی، خیریه صندوق آچیش ضرورلیگی و افغانستان مهاجرلرینی قوللب قوتلش بوییچه بیر قتار تصمیملر آلیندی.  

قورولتای صمیمیت و قیزیقیشدن تولیب تاشگن بیر فضاده دوام ایتیب، ضروری مسئله لر کوریب چیقیلدی و کیرکلی قرارلر آلینگندن کیین، انجمن رئیسی اکادمیسین شرعی جوزجانی نینگ قیسقه صحبتی بیلن توگه تیلدی.

انجمن رئیسی تأکیدلگنیدیک بابرکلتوری انجمنی نینگ ینگی فعالیت باسقیچینی باشلب بیرگن بیرینچی قورولتای یوکسک ایشانچ و متقابل اعتماد فضاسیده بولیب اوتگنی، محدود دایره ده بولسه هم خلقیمیز و تیلیمیز اوچون بیریخشی یوتوق حسابلنه دی.

قورولتایگه اون گه یقین عایله ایریم پرابلملری اوچون قتنشه آلمدیلر و تیلفون ارقه لی برچه فیصله لرگه موافق ایکنلیک لرینی بیلدیردیلر. مین انجمن نامیدن برچه کیلگن و کیله آلمگن دوستلرنی اوشبو موفقیت بیلن تبریکلیمن و چیتده قالگن ایریم دوستلر، انجمن بیلن علاقه قیلیب بوش اورینلرنی تولدیرسینلردیب ایستک بیلدیره من.

جلسه آخریده خاطره عکسلری آلینیب، برچه مهمانلرگه فامیللر تمانیدن تییارلنگن تاتلی طعاملر تارتیلدی.

ایسلتمه: کیینراق ریجستر قیلیش ضرورتیگه کوره رهبریت هیئتی نینگ اتفاقی بیلن نرگس برنا انجمن ر ئیسی نینگ معاونی صفتیده تعیینلند


راپورتر: پروین
























.





 




مطالب دیگر در این موضوع


۱۳۹۷
جوزا
۱۰
۱۳۹۷
جوزا
۰۱



ستاکهولم، سویدن

info@baborshah.com