صحبت منوروف

اوزبیکستان حقیده

نوروزبیره می

نوروز بیره می کوتیب آلیندی

|
|
۰۴
حمل
۱۳۹۸



بابر کلتوری انجمنی

نوروز بیره مینی کوتیب آلدی

بابر کلتوری انجمنی عنعنه لریگه موافق مارت آیی نینگ ۱۶ کونی نوروز تاریخی بیره می طنطنه لی مراسم بیلن کوتیب آلیندی.

موندن تقریبا ایکی ییل آلدین ایریم منمنلیکلر، تعصب و تار فکرلیکلر و بعضا ایچکیلیکلر طفیلی بابرکلتوری انجمنیده اختلافلر تاپیلگن ایدی. ۱۴ ییل دوام ایتیب کیلگن بابر ویب سایتی نینگ بوتونلی چوکتیریلیشی، اوزاق مدت دوامیده ییغیلیب کیلیب سایتگه بیرانسیکلوپیدیک توس بیرگن ۲۰۰دن آرتیق علمی ادبی مقاله لرنینگ یوقالیشی، قره مه قرشیلیکلرنینگ کوچه ییشیگه سبب بولگن ایدی.

انجمن رهبریتی بو مدت دوامیده بابر سایتینی قیته دن تیکله دی، انجمن نی رسما ریجستر قیلدیردی، تورلی مناسبتر بیلن محفللر اوتکزدی.

آنچه مدتدن بیری انجمن نینگ تولیق بیرلیگی اوچون سعی و حرکتلر دوامی بارایدی. بو یولده انجمن کدرلریدن بشیر یعقوبی، نعمة الله بیکزاده، بابر جوزجانی، سید یونس و باشقه لر تینیمسیزایش آلیب باریب، زمینه نی بیرلشیب بو کته مراسمنی اوتکزیش اوچون مساعد قیلدیلر. ییغیلیشگه اوزاق جایلردن هم انجمن اعضالری و مخلصلری کیلیب اشتراک ایتگن ایدیلر.

محفلنی محترم بشیر یعقوبی قیسقه صحبت، خیر مقدم و تبریک سوزلری بیلن آچیب، انجمن رییسی اکادمیسین عبدالحکیم شرعی جوزجانینی صحبتگه دعوت قیلدی.

استاد جوزجانی اوزق – یقیندن کیلگن برچه مهمانلرنی تبریکلب دیدی: نوروز بیره می ۴۰۰۰ ییل میلاددن آلدین قدیمی تورکی خلقلر یعنی سومرلر تمانیدن طبیعت اویغانیشینی اعزازلش مقصدیده اساس سالینگن ایدی.  ینی گون یعنی نوروز تورکی خلقلرده ایکینچیلیک ایشلرینی ترتیبگه سالیش اوچون ۱۲ ییلدن عبارت بولگن تورکی تقویم نینگ اجرلمس قسمی ایدی. سومرلر اورته آسیادن ایران و آزربایجان بویلب بین النهرین گه اوتیب قوناق تاپگندن کیین، نوروروز بیره می باشقه ملتلر جمله دن پارسلرگه اوتیب دایمی مراسمگه ایلندی و بوگونگه قدر دوام ایتیب کیلماقده.

استاد جوزجانی افغانستان تورکلری اینیقسه اوزبیک و تورکمن خلقلری        تاریخی اوستیده توختلیب، فاشیستیک رژیم استبدادی اینیقسه اونینگ ایکی دهشتلی نماینده سی امیر عبد الرحمان و محمد گل مومند آرقه لی عملگه آشیریلگن فاجعه لی جنایتلرنی آچیب بیردی و بوگون دولت نینگ سیاستی طالبلرنی شمال ولایتلریده جایلشتیریب، قبیله حاکمیتینی ینه بیر بار ملتیمیزاوستیگه یوکلب، مال وملکینی اولر نظارتی آستیده آلماقدوردیدی.

استاد جوزجانی دوام بیردی:

بو قلتیس شرایطده افغانستان تورکلری نینگ بیرله شووی بیر تاریخی ضرورتگه ایلنگن. هرکیم بو قیزیل چیزیقدن اوتیب، بیرلیگیمیزنی بوزه دیگن بولسه، اوز ملتیگه خیانت قیله دی و هیچکیم اونی کیچیرمیدی.

بابر کلتوری انجمنی سویدن دیک دموکراتیک توزوملی بیر مملکتده، بیر اجتماعی عایله صفتیده خلقیمیز بیرلیگی نینگ تمثیلچیسی حسابلنه دی. شوندی آغیر شرایطده اونینگ بیرلیگینی کوز قره چیغیدیک اسرش برچه میز نینگ ملی بورچیمیز حسابلنه دی. انجمن روابطینی شخصی و سلیقوی اختلافلردن اوزاق سقلب، کیچیریملی بولیلیک و بغری کینگلیک بیلن باشقه لرنی هم قبول قیلیلیک. بو تورکانه خصلت ازلدن بیزلرده بار. حتی تورکی دولتلر باشقه ملتلرنینگ دینی ومدنیتینی حمایه قیلیب، تیللرینی اوسدیریب کیلگگنلر. ایچیملیک بازلیکدن سقله نیلیک.

اوندن کییین بشیر یعقوبی ایرکین واحدوف «اوزبیگیم» قصیده سیدن بیر نیچه بیت اوقیب مهمانلرنی اوقت تناول قیلیشگه دعوت قیلدی. عایله لر پیشیریب کیلگن خیلمه خیل مزه لی طعاملر اشتها بیلن صرفلنگندن کیین، محفل رسمی توس آلدی و سید یونس کنسرتی باشله نیب، قیزیقیش بیلن کوتیب آلیندی. کنسرت جریانیده انجمن کدرلریدن بیری نرگس برنا خانم حسنیه بانو یاردمی بیلن پیشیرگن سوملک حلواسی بیر عالی سلیقه بیلن کیچیک - کیچیک گیلاسچه لرده مهمانلرگه تقدیم ایتیلدی.

اوندن کیین نوروز عنعنه سی صفتیده غله اوریشتیریش اویینی باشلندی، بو میده باله لر و یاشلراوچون کوپ قیزیقرلی ایدی.

سونگره بشیر یعقوبی بیر توصیه نامه و سئپاسنامه نی اوقیب ایشیتتیردی و اشتراکچیلر دقتینی اونگه جلب ایتدی.

محفل اداغیده کریم جان جویا آرقه لی لاتری اویینی باشلندی و بیرینچی لاتری...آتیگه چیقدی.

محفل سالم فضاده بیرلیک و صمیمیلیک روحیه سی بیلن کیچقرون ساعت ۹.۳۰ده توگه تیلدی.

محفلنی اولدن آخر گه چه بشیر یعقوبی کمال موفقیت بیلن آلیب باردی.

ــــــــــــــــــــــــــــــــــــــــــــــــــ

راپورتر: پروین جوزجانی

 

 

 

 

 





مطالب دیگر در این موضوع


۱۳۹۸
حمل
۰۴
۱۳۹۷
جوزا
۲۹
۱۳۹۷
جوزا
۲۴



ستاکهولم، سویدن

info@baborshah.com