صحبت منوروف

اوزبیکستان حقیده

نوروزبیره می

فنلر دوکتوری مرات شیمشک

|
|
۰۹
جوزا
۱۳۹۷




یازووچی: اکادمیسین شرعی جوزجانی
ـــــــــــــــــــــــــــــــــــــــــــــــــــــــــــ

فــنــلــر دوکــتــوری اســتـــاد مــرات شــیــمــشــک
ــــــــــــــــــــــــــــــــــــــــــــــــــــــــــــــــــــــــــــــــ

اسلام حقوقی و حنفی مذهبی بوییچه تنیقلی متخصص
ــــــــــــــــــــــــــــــــــــــــــــــــــــــــــــــــــــــــــــــــ

بولتور تورکیه گه بارگنیمیزده دوستیمیز فریدون اوچقون بیلن قونیه شهریگه سفر جریانیده بیر قطار قونیه لیک عالملر و اجتماعی شخصیتلر بیلن تنیشیب دوست بولدیک. اولردن بیری آق پارتی (حاضر دولتنی باشقریب تورگن حاکم حزب) تاسیسیده اشتراک ایتگن و فعلا قونیه بلدیه سیده ایچیملیک سولر ییتکزیش تشکیلاتی نینگ رئیسی لوازمیده ایشلب تورگن علم وادب اخلاصمندی و بو ساحه ده خدمتلر قیلیب کیلگن حرمتلی ایرجان اوسلو (Ercan Uslu)و ایککنچی ذات اسلام حقوقشناسلیگی دوکتوری(دوچ دوکتور) و داتسینت (پروفیسور یاردمچیسی) مرات شیمشک (Murat Şimşek) جنابلری ایدی. حرمتلی ایرجان اوسلو بیزلرنی موندن قریب ۱۰۰ ییل مقدم تزارلر دوریده قماققه آلینگن و عثمانلی سلطانی ایستگی بیلن تورکیه گه یوباریلگن تاتارلر و اوزبیکلر یشیدیگن بوغری دیلیک کویی/تومنى (Böğrüdelik Köyü) اهالیسی ضیافتیگه آلیب باردی.

تومندن ۱۳۰ کیلومتر یول باسیب قیتگنیمیزدن کیین، ایرجان اوسلو تمانیدن قونیه نینگ مشهور ملی اوقت کتته رستورانیده ایریم اونیویرستیت استادلریدن تشقری ۵۰ دن آرتیق افغانستانلیک محصللرگه کتته ضیافت بیریلدی. ضیافت عالی سویه ده طلبه لر بیلن فکر المشوو جریانیده اوتیب ایسده لیک صورتلرگه توشیلدی.

ضیافتدن سونگ ایرجان اوسلو بیزلرنی بیرنیچه محصللر بیلن دوستلریدن بیراستادنینگ حولی سیگه چای ایچگنی آلیب باردی. علمی و ادبی صحبتلر جریانیده استادلر بیلن کوپراق تنیشدیک، کمینه نینگ «آمو دریا» شعری، تصوف و اسلام حقوقی کتابلری اولرگه منظور بولیب، حرمتلی ایرجان اوسلو توصیه سی اساسیده اولرنی تورکچه گه ترجمه قیلیش حقیده تصمیم آلیندی. اوشنده اوسلو جنابلری بیلن استاد شیمشک آره لریده چوقو دوستانه مناسبت، مدنی علاقه و فرهنگی همکارلیک بارلیگینی بیلیب آلدیک. اولرنینگ ایکله سی هم اسلام حقوقی و اسلام تصوفیگه قیزیقه دیلر. شو سببلی اولر شو ییل امام بخاری، امام ماتریدی و بهاء الدین نقشبند قبرلرینی زیارت قیلیش اوچون اوزبیکستانگه سفر قیلگن ایدیلر. اولر سفر جریانیده مینینگ ممتاز شاگردیم آزات سرسینبایف بیلن هم کوریشگن ایکنلر. آزات بیک دوکتورلیک تیزینی برهان الدین مرغینانی نینگ ۴ جلدلیک «الهدایه» کتابینی اوزبیک تیلیگه تعلیق و تحشیه بیلن ترجمه قیلیب، اونینگ علمی تحلیلی اساسیده یازماقده. او دوکتورلیک تیزیسینی مصرده یا که تورکیه ده استاد مرات شیمشک رهبرلیگیده یاقله ماقچی.

حرمتلی دوستیمیز مرات شیمشک بیر صلاحیتلی حقوقشناس عالم صفتیده کوپ افغنستانلیک محصللرنی تربیه لب، یوقاری سویه لرگه ییتکزیش اوچون تینیمسیز محنت قیلیب کیلماقده. او تورکیه ده حنفی مذهبی نینگ ییریک متخصصی صفتیده تن آلینگن. شو سببلی بو عالمنی دوستلریمیزگه تنیتماقچی بولدیک.

تنیقلی حقوقشناس عالم دانشیار مرات شیمشک ۱۹۷۴ ییل تورکیه نینگ سمسون ولایتیده جایلشگن چارشنبه تومنیده توغیلیب، باشلانغیچ و اورته تعلیماتنی اوشه ییرده توگتدی و قرآن کریمنی یادله دی.
استاد ۱۹۹۹ ییلی سلجوق اونیویرستیتی الاهیات فاکولته سینی توگه تیب، ۲۰۰۳ ییل دیانت فوندیگه تیگیشلی قونیه ده گی سلجوق اسلامی فنلر متخصصلیک مرکزیدن فراغت حاصل قیلدی.

او (اسلام حقوقی فلسفه سی بوییچه شاه ولی الله دهلوی نینگ قرشلری) عنوانلی یازگن مونوگرافی بیلن ۲۰۰۲ ییل سلجوق اونیویرستیتیگه تیگشلی اجتماعی فنلر انستیتوتیدن ماسترلیک درجه سینی آلیشگه موفق بولدی.
شیمشک « اسلام حقوقیده الزامی نقطهٔ نظریدن حضرت محمد نینگ افعال،اقوال، تقریرو اجتهادلری» عنوانلی تیزسی بیلن سلجوق اونیویرستیتی قاشیده گی اجتماعی فنلر انستیتوتیدن دوکتورلیک دپلومینی قولگه کیریتدی. بو تیزس ۲۰۱۱ ییل تورکیه دیانت جمغرمه سی (فوندیشنی) تماندن ۴۲۸ بیتده باسمه دن چیقریلدی.

مرات شیمشک نینگ مونوگرافی ۲۰۰۹ ییل دیانت فوندی تمانیدن یولگه قوییلگن مسابقه ده پیغمبر میلادی هفته سی نینگ جایزه سیگه سزوار بولدی. او قونیه ده اسلام حقوقی بوییچه تدقیقات ژورنالیده نشرات اعضاسی، محرر،ادیتور معاونی صفتیده ایشلب کیلگن. اونینگ اونلب علمی مقاله سی اولکه و چیت ایل ژورنال لریده نشر قیلینگن. اولردن اسلام دیانت انسیکلوپیدیه سی (DIA) وباشقه نشریات لرنی مثال بیراله میز.

شیمشک ۲۰۰۳- ۲۰۱۱ ییللراره سیده قونیه ده گی سلجوق اسلامی فنلر تخصص مرکزیده اسلام حقوقی استادی صفتیده ایشله گن. شونیگدیک چناق قلعه ده گی ۱۸ مارت اونیویرستیتی الاهیات فاکولته سیده، ۲۰۱۱دن ۲۰۱۳ ییل لری ، قونیه ولایتیده گی نجم الدین اربکان اونیویرستیتی الاهیات فاکولته سیده اسلام حقوقی استادی بولیبایشلگن.

فنلر دکتوری مرات شیمشک ۲۰۱۵ ییل، «حنفی مذهبی نینگ شکل لنیش جریانی(تاریخ و اصولعنوانلی کتابی بیلن اربکان اونیویرستیتیدن داتسینت (دانشیار) عنوانینی آلیشگه ایریشگن. بو اثر ۲۰۱۴ ییل قونیه ده نشردن چیققن.

او خارجی تیللردن عرب و انگلیز تیللرینی یوقاری سویه ده بیله دی.
ــــــــــــــــــــــــــــــــــــــــــــــــــــــــــــــــــــــــ
استاد مرات شیمشک یازگن«حنفی مذهبی نینگ شکل لنیش جریانی(تاریخ واصولناملی کتاب، بو ساحه ده علمی اسلوبده یازیلگن و چوقور ایزلنیشلر محصولی بولمیش اثر صفتیده، نه فقط تورکیه ده، بلکه برچه اسلام مملکتلریده کینگ قمراولی لیگی، اوزیگه خاص علمی متودی و تیوریتیک تحلیلی بیلن اجره لیب توره دی. بیز حاضر قونيه ده گی نجم الدین اربكان اونيورستيتى اسلام حقوقی دوكتورا شاگردی بولگن دوستیمیز یاش عالم عبدالناصر حکیمی تمانیدن اوزبیک تیلیگه اوگیریلگن بو کتاب نینگ فهرستینی، اونگه بو یاردمی اوچون رحمت دیب، دوستلریمیز اعتباریگه حواله قیله میز. اوشبو مندرجه دن کتاب نینگ اهمیتینی بیلیب آلیش ممکن.

فهرست ترجمه سی:

سوزباشی
اختصارات
مقدمه
پس زمینه نظری (تئوريك) واصطلاح لر تعریفی
۱-
فقه ادبياتی ده مذهب مفهومی و حنفی مذهبی
الف- غرب عالملری ومذهب اتمه سی
ب- معاصر اسلام دنياسيده مذهب تصوری
۲-
حاكم بولگن جغرافی منطقه لر نقطه ای نظریدن حنفی مذهبی
۳-
تعلیمی موسسه لر نقطه ای نظریدن حنفی مذهبی 
الف- عراق حنفی لیگی نینگ مرکزی بولگن بغداد حنفی مدرسه لری
ب- خراسان ماوراء النهر منطقه سی حنفی مدرسه لری
۴-
فقه ادبیاتیده مناقب طبقات اتمه لری ومذهب
۵-
تخریج ومذهب: حنفی اصول فقه نینگ تاریخی تکاملی واصول فروع مناسبتی

بیرنچی قسم

مناقب وطبقات ادبیاتی جهتیدن حنفی لیک
حنفی طبقاتی نینگ یوزه گه کیلیشی
۱-
مناقب ادبياتى نقطه اى نظریدن حنفی لیک تصوری: صیمری وزرنجری مثالی 
الف- ابو عبد الله صیمری و«أخبار أبي حنيفة وآصحابه» آتلی اثری
ب- بکر زرنجری و«مناقب» آتلی اثری
۲-
طبقات ادبياتی نقطه ای نظریدن حنفی لیک تصوری: کفَوی مثالی
الف- کفوی نینگ «کتائب الأعلام الأخيار» آتلی اثریده طبقات تصوری
ب- کتائب نينگ محتوا تیزیمی
ج- کتائب دن ایککی کتیبه مثالیده تدریس سلسله سی
د- فقیه لر آراسی اجتماعی ارتباط: تدریس سلسله لری نقطه ای نظریدن حنفی لیک
ذ- تاریخ جریانیده مشهور حنفی عائله لر
۱-
برهان عائله سی
۲-
محبوبی عائله سی
۳-
صفار عائله سی
۴-
پزدوی عائله سی
۵-
نسفی عائله سی
۶-
ترکمانی عائله سی
۷-
طاشکپری زاده لر
۸-
زرنجری عائله سی
۹-
هبة الله عائله سي
۱۰-
فناری لر

ايككينچی قسم

فقه اصولي نينگ رونقی (تکاملی) جهتیدن حنفی لیک
پس زمینه تئوريك (نظري)
۱-
حنفي اصول فقه تصوری نينگ رونقی (تکاملی)
الف- عراق حنفی اصول مکتبی
ب- خراسان- ماوراء النهر حنفی اصول مکتبی
۲-
حنفي اصول فقه علمی نینگ رونقی (تکاملی) گه دایر بعضی مثال لر
الف- عموم البلوی
ب- اجماع
ج- صحابی قولی
د- استصحاب
ذ- لفظ نینگ ظاهر معناسی
ر- بیلگی تئوريسي (نظريه سي) وقياس بيلن تيگیشلی بعضی مسله لر
نتایج (خلاصه)
ادبیات رویخطی (فهرست منابع)
ضمیمه ۱
جغرافی نقشه لر

.....................................
تیگیشلی صورتلر البومده.

 





مطالب دیگر در این موضوع


۱۳۹۷
جوزا
۰۹



ستاکهولم، سویدن

info@baborshah.com